ជនសង្ស័យ២នាក់ត្រូវ បានកម្លាំងនគរបាល ខណ្ឌឃាត់ខ្លួនពាក់ព័ន្ធ ករណីលួចកាច់ សោរម៉ូតូគេ

(ភ្នំពេញ​)៖ ជនសង្ស័យ២នាក់ ត្រូវបានកម្លាំងល្បាត នគរបាលប៉ុស្តិ៍ ឫស្សីកែវ សហការណ៍ ជាមួយកម្លាំង នគរបាលនៃ អធិការរដ្ឋាននគរបាល ខណ្ឌឫស្សីកែវ​បាន ធ្វើការឃាត់ភ្លាមៗ ពាក់ព័ន្ធករណីប៉ុនប៉ង លួចកាច់សោម៉ូតូ គេកាលពីយប់រំលង អាធ្រាតឈានចូល ថ្ងៃទី០៨ខែ កញ្ញាឆ្នាំ២០១៩វេលា ម៉ោង០០និ៣៥នាទី នៅចំណុចផ្លូវ ខាងសារិន ក្រុមទី៧ស្ថិត ភូមិបឹង សាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

សមត្ថកិច្ចបានប្រាប់ អោយដឹងថាជនសង្ស័យ ទាំង២នាក់ដែល កម្លាំងនាញឃាត់ខ្លួន បានទី១ ឈ្មោះ ហៀង បញ្ញា ហៅញ៉ាញ់ ហៅតឿ ភេទប្រុស អាយុ១៨ឆ្នាំ មានទីលំនៅផ្ទះជួល​ ផ្លូវជាតិ លេខ៥​ ភូមិផ្សារតូច សង្កាត់ទួលសង្កែ១ ខណ្ឌឬស្សីកែវ មុខរបរ មិនពិតប្រាកដ (មានសារធាតុ ញៀន) និងទី២ឈ្មោះ​ គឹម វាសនា ភេទប្រុស អាយុ៤១ឆ្នាំ មានទីលំនៅផ្ទះជួល​ ផ្លូវជាតិលេខ៥ ភូមិផ្សារតូច សង្កាត់ទួលសង្កែ១​ ខណ្ឌឬស្សីកែវ មុខរបរ​ មិនពិតប្រាកដ (មានសារធាតុញៀន)។

ក្រោយពីឃាត់ខ្លួន ជនសង្ស័យខាងលើ សមត្ថកិច្ចដកហូតបាន វត្ថុតាងរួមមានដែក សំប៉ែតកែ ឆ្នៃសំរាប់ កាច់សោករម៉ូតូ ០២ដើម,​ សោខ្សៀលេខ៨​ ០១ដើម​ និងម៉ូតូមួយគ្រឿង​ សំរាប់ជិះធ្វើ សកម្មភាព ម៉ាកវីវ៉ា ព៌ណខ្មៅ​ ពាក់ស្លាកលេខ​ កំពង់ធំ​ 1D-1490​ ។

បច្ចុប្បន្ន​ ជនសង្ស័យ​ ត្រូវបាននាំយកទៅប៉ុស្តិ៍​ ដើម្បីសាកសួរ យកចំលើយ​ រួចកសាងសំណុំរឿង​  បញ្ជូនទៅសាលាដំបូង រាជធានីភ្នំពេញ​ ដើម្បីអនុវត្តទៅតាមនិតីវីធីច្បាប់៕