ភ្លើងឆេះផ្ទះខ្ទម សង់ពីឈើប្រក់ស័ង្កសី ៣ខ្នងផ្ទះនៅផ្សារដើមពុទ្រា ផ្អើលមនុស្សស្នាក់ នៅអគារធំៗជុំវិញ រត់ចុះដីព្រោងព្រាត

(ខេត្តបន្ទាយមានជ័យ)៖ ភ្លើងឆេះផ្ទះខ្ទមសង់ពី ឈើប្រក់ស័ង្កសី៣ខ្នងផ្ទះ នៅផ្សារដើមពុទ្រា ផ្អើលមនុស្សស្នាក់ នៅអគារធំៗជុំវិញ រត់ចុះដីព្រោងព្រាត ដែលកើតហេតុ នៅវេលាម៉ោង៤និង៣០នាទី ថ្ងៃទី២២ ខែតុលាឆ្នាំ២០២៣ នៅក្រោយផ្សារដើមពុទ្រា ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត។
ម្ចាស់ផ្ទះបានប្រាប់ថា ពេលហេតុការណ៍បានកើតឡើង ខ្លួនកំពុងតែដេក នៅក្នុងផ្ទះសុខ ស្រាប់តែឮសម្លេងគេស្រែកឆោ ឡោថាមានភ្លើងឆេះផ្ទះ ស្រាប់តែខ្លួនភ្ញាក់ឡើង មានអណ្តាតភ្លើង ឆេះចេញមកតែម្តង ភ័យខ្លាំងពេក និងភ្លើងឆេះខ្លាំង ពេកបណ្តាលឲ្យ រត់ចេញតែខ្លួន ស្រវាយកអ្វីក៏មិនទាន់ មានខោអាវ ម៉ុងភួយ ទូរសព្ទ ខ្សែកបន្តិចបន្តួច ឯកសារគ្រួសារ និងសម្ភារមួយចំនួនទៀត ដែលយកមិនទាន់ ពួកគាត់សូមឲ្យ អាជ្ញាធរជួយពួកគាត់ផង ពួកគាត់ជាពល រដ្ឋខ្វះខាត គ្មានអ្វីនៅសល់ទេ។
ក្រោយពីហេតុការណ៍ បានកើតឡើងភ្លាមៗនោះ អាជ្ញាធរ កម្លាំងនគរបាល ក្រុងប៉ោយប៉ែត កម្លាំងកងរាជអាវុធហត្ថ យោធាសឹងរងក្រុង រួមទាំងប្រជាពល រដ្ឋបានយករថយន្ត ចំនួន២គ្រឿងមក បាញ់ទឹកពន្លត់ ទប់ស្កាត់ការរាលដាល តែផ្ទះដែលសង់ពីកូន ឈើប្រក់ស័ង្កសីចំនួន ៣ខ្នងនោះ ឆេះទាំងស្រុងតែម្តង។ សមត្ថកិច្ចសន្និដ្ឋានថា អាចមកពីឆ្លងចរន្តអគ្គីសនី ទើបបណ្តាលឲ្យឆាបឆេះ។
ដោយឡែកបុក្គលិកកាស៊ីណូ ទាំងខ្មែរ និងជនជាតិដែល ស្នាក់នៅអគារធំៗជុំវិញនោះ នាំគ្នាសម្រុង ចុះចេញ មកក្រៅអគារតែម្តង ហាក់ដូចបាក់ស្បាត ឲ្យតែឮសូរករណីភ្លើ ងឆេះម្តងៗ បន្ទាប់ពីមានករណី ភ្លើងយក្សឆេះនៅកាស៊ីណូ នៅមាត់ច្រកទ្វារអន្តរ ជាតិប៉ោយប៉ែត ដែលបានសម្លាប់ មនុស្សជិត៣០នាក់កន្លងមក៕